عندي عيال أحبهم وكل واحد منهم يمتاز بميزة يتغالى فيها
طبعا هم مش عيالي هم عيال خواني وخواتي،،
الي قريبة مني غلا شي ثاني أقدر اسميها ظلي
شوه اقول عنها اتكلم عن دلعها والا اتكلم عن مغايضها لي
والا اتكلم عن كلماتها الي تضحك،،
وشويخ بنت أختي اقصد العيوز عمرها4 سنوات بس ما شاء الله عليها
بعطيها 40 سنة لسانها أطول عنها، صح أنها تغايضني لدرجة أني مرات أعضب
بس في نفس الوقت تضحكني بطريقة استهبالها،،
بصراحة أنا ما أحب الأولاد في العايلة عنا بس 4 أولاد وأخوي الصغير من سنهم
البنات هن الي قريبات أكثر طبعا في الاجازة ويوم يجتمعون كلهم يكونون أحزاب فيا حظ
البنات يوم يزقرون المحامي الدفاع ( مي) علشان ادافع عنهم,,
العيال صدق صدق غير في البيت حركاتهم وضحكاتهم وسوالفهم كلها غير شي ثاني,,
الله يخليها ويحفظهم ونجوفهم بصحة وسلامه دووم
4 التعليقات:
الله يحفظهم يا ربي ..
ودعواتج إنه الله يروقني بعيال عسب يلعوزونج بعد ^_^
مدونه حلوة وشفافه مثل صاحبتها وأتمنى إني أقرى لج المزيد والله يحفظج
مون
فديتهم كلهم :)
ربي يحفظهم وباذن الله نشوف عيالج يا الغاليه
مون الله يرزقج الذرية الصالحة
ويجعلهم من حفظه كتاب رب العالمين،،
" وقلت أستغفروا ربكم أنه كان غفارا يرسل السماء عليكم مدرارا
ويمددكم وباموال وبنين.."
حاولي تستغفرين كل وقتج وربي يتقبل منج..
مشكورة على هذا الإطراء..
بوركتي,,
فديتج يا حياة
تسلمين ما تقصرين..
وأنا في خاطري أجوف بنوتج الحلوة الي بس أسمع صوتها
ربي يحفظها لج ويرزقج أخو لها ويكون سندها..:)
إرسال تعليق